ODI player ṭha ber Kohli - England captain hlui

England captain hlui pahnih England captain hlui pahnih Michael Atherton leh Nasser Hussain te chuan statistic thlirin Virat Kohli chu ODI batter ṭha berah an chhal.

Pathianni khan India-in Pakistan an hneh a, Kohli hian century siamin ODI-a century vawi 51 a siamna a ni.

Kum 56 mi Atherton chuan, "50 over cricket-a a umtu zawk atan chuan Virat Kohli aia ṭha an awm thei lo. Century vawi 51 siamtu chu tam a ni a, a awihawm loh hial zawk," tiin a sawi a, ani hian Test match 54-ah England tan captain hna a chelh.

Kum 1999 leh 2003 chhunga captain Hussain pawhin, "Player danglam bik a ni a, ODI history-a player ropui ber ang hiala chhal ngam a ni. Tendulkar leh AB de Villiers te awm bawk mah se a ṭha zingah chuan a tel chiang a ni," tiin a sawi.

Kohli hian century 51 a siam zinga vawi 28 hi a umtu zawka an ṭanin a ni a, vawi 24-ah hlawhtlinna an chang bawk. India batter hian Pakistan hi ODI-ah vawi 17 a hmachhawn a, century vawi li siamin half century vawi hnih a siam a, a average pawh 59.8 a ni pha hial.

Sachin Tendulkar-a'n inning vawi 452-ah 18,426 runs a siam a, Kumar Sangakkara pawhin inning vawi 380-ah 14,234 runs a siam. Kohli hian 14,000 runs siam turin inning vawi 299 chauh a mamawh a, a record hi a hlu hle.