A sang zual zingah Mirra Andreeva

Mirra Andreeva chuan mellung pawimawh a phun - Women's Tennis Association (WTA) in a ranking an siam thar berah pakuana dinhmun a luah a, atan chuan hun pawimawh leh chhinchhiah tlak bik a ni.

Mirra Andreeva hi kum 17 mi chauh a la ni a, kum 2007 hnu lamah ani ang rual lek ni chunga ranking sang zual 10 zinga tel leh phak hmasa ber a ni hial - WTA 1000 title la thei naupang ber a nihna chuan rah ṭha a chhuah zel.

Russian tleirawl Andreeva hian Dubai Tennis Championship khelh zawh takah khan Clara Tauson chu 7-6(1), 6-1 in a hneh a, kum 17 leh ni 298 mi chauh ni chungin Grand Slam dawta inelna sangah hian a champion.

Hmeichhe tennis ranking chung berah erawh Aryna Sabalenka a la awm zel - Belarus star hi Iga Swaitek nen bawk a chung lamah an la inel a, season hmasa ang bawkin kuminah pawh an inel chhunzawm leh ang.