Kimmich tel loin Bayern

Bayern Munich-in zanin dar 1:00 hian Bundesliga-ah Stuttgart an hmachhawn dawn a, player pawimawh Joshua Kimmich a inlan theih a beiseiawm loh. Kimmich a inlan thei lo a nih chuan Leon Goretzka emaw Aleksandar Pavlovic emaw tan khelhna hun remchang a ni ang.

Vincent Kompany kaihhruai Bayern hian Bundesliga nomawi lalet turin kawng dik an zawk mek a, an elpui leh champion lai Bayer Leverkusen nen match 23 ve ve khel tawhin point riatin an hmu tam zawk. Bavarians tan nomawi chawi turin chetsual loh a pawimawh. Bayern hian Stuttgart hi vawi 112 an hmachhawn tawh a, vawi 70 hnehna an chan avangin an khingpui tur lakah hian an record a ṭha hle.

Nikum October thla khan Allianz Arena-ah an inhmachhawn a, Bayern hian Harry Kane hattrick leh Kingsley Coman-a goal hmangin 4-0 in an hneh. English striker Kane hi Bundesliga-ah top scorer a ni mek a, goal 21 a khung tawh a, season hnih chhung a zawnin top scorer a ni ngei dawn niin a lang.