Gerrard-a Rangers an sang zel

Steven Gerrard enkawlna hnuaiah Rangers-in hma an sawn zel a, Pathianni zan khan Livingston chu 2-0 in an hneh - anmahni hnaih bertu Celtic an chak zawh loh bawk avangin point rukin an sang fal a, Celtic ai hian match khatin an khel tam thung. 

Rangers tan Joe Aribo chuan minute kuana lekah goal hmahruai a khung a, Jermain Defoe chuan minute 16-naah a belh - goal dang lut loin 2-0 in an chak. 

Kum 38 mi Defoe-a'n a club career-a goal 300-a khung tlinna chiah a ni a, heti zat goal khung tur hian match 739-a mamawh - season khata goal a khung hnem ber chu 2009-10 kha a ni a, match 43-ah Tottenham Hotspur tan goal 24 a khung. 

English striker hian season hmasa khan Rangers tan match 32-ah goal 17-a khung a, tun season-a inelna hrang hranga match li a khelhah goal hnih khungin assist vawi khat a nei tawh. 

Rangers an chak laiin Celtic erawh Aberdeen nen khualmualah 2-2 in an inhnehtawk a, Aberdeen hmaa an league match hnuhnung berah an elpui Rangers chu 2-0 in an ngam lo tawh bawk.