Coutinho a inhliam

Barcelona midfielder Philippe Coutinho-a'n a malpui vei lamah hliam a tuar a, Nilaini zan Champions League-a Juventus nen an inkhelh hunah Brazil international hi a inlan thei lo chiang ang. 

Kum 28 mi midfielder chawlh chen tur hi Barcelona chuan an puang chiang thei lo a, "A hliam hmasawn danin a hril ang," tih bakin Catalan club hian an puangzar lo. 

Inrinni zan El Clasico-ah khan Barcelona hian 3-1 in Real Madrid an ngam lo a, he inkhelah hian minute 90 chhung Coutinho hi a inlan. 

Season hmasaa Bayern Munich lama loan-a khel Coutinho hi nipui transfer lai khan chhuak tur anga sawi thawm a awm hman a, mahse coach thar Ronald Koeman enkawlna hnuaiah hmun pawimawh a chang zui. 

Barcelona tan inelna hrang hrangah match ruk khel tawhin goal hnih a khung a, assist vawi hnih a nei bawk.