England an chak lo vek

ICC Champions Trophy-ah England-in chak an nei lo a, Inrinni khan group match hnuhnung berah South Africa chu wicket sarihin an hneh lo. Group B aṭangin South Africa leh Australia ten semifinal an lut a, England erawh an mualpho.

National Bank Stadium-ah England-in bat hmasak an thlang a, over 38.2-ah 179 runs siamin an thi fai vek. Proteas bat hun a thleng a, Rassie van der Dussen-a'n thi loin 72 runs a siam bakah Heinrich Klaassen-a'n 64 runs siamin over 29.1-ah 181/3 runs siamin wicket sarihin an chak.

Group B-ah South Africa-in point nga an hmu a, pakhatna niin semifinal an lut a, Australia-in point li hmuin knockout stage an invawkai ve bawk. Nimin khan semifinal lut tawh India leh New Zealand an inkhel a, result kan hre hman lo. Inkhel result a zirin semifinal-a inhmachhawn dan tur a chiang ang.