Aibawk Zone-ah Phulpui club an champion

Aibawk Zone Football Association buatsaih Zone Championship 2025-ah Phulpui club Zawlpal FC an champion a, final-ah Melriat GSA A chu 3-1 in an hneh.

March 1, Inrinni khan Mini Sports Complex Aibawk-ah final hi khelh a ni a, hun pangngaiah Zawlpal FC leh Melriat GSA A te 1-1 in an inhnehtawk. Extra time-ah Zawlpal FC-in goal hnih a khung belh a, buaina a chhuah tak avangin an inkhel zo lo. Phulpui club hi 3-1 a chakin an puang.

Inelna hi February 24, Thawhṭanni aṭang khan ṭan a ni a, Aizawl South III MLA Baryl Vanneihsangi sponsor a ni. Team 16 an tel a, inelna pawhin ngaihhlut a hlawh, final-ah pawh entu an ṭhahnem. Buaina chhuak chungchang hi Aibawk Zone thuneituten an ngaihtuah zui dawn a, he thuziah lai hian an thurel hriat a la ni lo.