International Champions Cup-ah Chelsea-in Barca an hneh
Premier League champion Chelsea chuan nimin khan Washington khawpuia mi 78,000 pungkhawm hmaah Barcelona chu hun pangngaiah 2-2 in an draw a, penalty shootout-ah 4-2 in an hneh.
Inkhel ṭan aṭanga minute 10-na lekah Chelsea tan Eden Hazard chuan chak taka ball tlanpuiin goal hmahruai a khung a, minute 52-naah Luis Suarez-a'n Barcelona tan mawi takin a sut.
Minute 66-naah Barca-in Sandro hmangin hma an hruai leh a, minute 86-naah Cahill-a'n a sut. Hun pangngaiah 2-2 a an inhnehtawk hnuin penalty-ah Chelsea an chak ta zawk a ni.
Chelsea tan striker thar Radamel Falcao chu substitute aṭangin an lut a, PSG penalty-a an hneh ṭum ang thoin Barca an hneh ṭumin London club tan penalty hmasa ber a khung.
Tute nge khel?
Chelsea: Courtois, Ivanovic (c), Zouma, Cahill (Chalobah 87'), Azpilicueta (Terry 59'), Fabregas (Moses 64), Matic (Mikel 61'), Kenedy (Willian 46'), Oscar (Ramires 46'), Hazard (Falcao 68'), Costa (Remy 60').
Barcelona: Ter Stegen (Masip 60'), Douglas (Roberto 17'), Bartra (Pique 59'), Mathieu (Vermaelen 59'), Adriano (Alba 59'), Rakitic (Iniesta 60'), Busquets (Rafinha 61'), Suarez (Pedro 62'), Munir (Halilovic 73'), Sandro, Gumbau (Samper 61')
Penalty pet dan
Barca Chelsea
Iniesta (G) Falcao (G)
Halilovic (X) Moses (G)
Pique (X) Ramires (G)
Sandro (G) Remy (G)
*G: Pet Goal; X: Pet Goal Lo