Mexico-in coach an ban

CONCACAF Gold Cup champion Mexico chuan Thawhlehni khan an manager Miguel Herrera chu thuthar thehdarhtu a hnek avangin a hna aṭangin an ban.

Pathianni kal ta khan Mexico hian final-ah Jamaica 3-1 a hnehin an champion a; Thawhṭanni khan Philadelphia airport aṭanga an thlawk haw tur lo be tu thuthar thehdarhtu chu Miguel hian kut a lo thlak a ni.

Mexican Football Federation president Decio de Maria chuan, "Min ṭawiawmtute hian zah an phu a, an duhzawng min zawt tur leh sawi turin zalenna an nei. Hetiang thil mawi lo thleng hi hriatthiam theih a ni lo; Miguel nen pawh kan inhmu tawh a kan thutlukna hi a hriatthiam hram kan beisei," tiin a sawi.

Kum 47-a upa manager hian kum 2013 October thla aṭang khan Mexico hi a enkawl ṭan a, nikum FIFA World Cup khan last 16 a hruai thleng nghe nghe.