Barca tlarhma tluk an awm lo - Fabregas

Chelsea midfielder Cesc Fabregas chuan tunlaia Barcelona attac­king trio Lionel Messi, Neymar, Luis Suarez te aia ṭha chu an awm loh thu a sawi.

Season hmasa ṭan dawna Barca aṭanga Chelsea zawmtu Fabregas chuan, "Kan team-ah hian player ṭha tak tak Eden Hazard, Oscar, Diego Costa leh Willian te an awm a, anni hian League-ah min champion pui thei. Season hmasaa kan inkhelah khan sawisel tur ka hre mang lo, mahse Champions League-ah kan champion duh a nih chuan hmasawnna tur kan la nei," a ti.

Spain international chuan sawi chhun­zawmin, "Ka ngaihdan chuan Barca tlar hmaa player pathumte hi chu attacking game khel tur chuan duhthusam an ni a, anni tluk hi khawvelah an awm lo ang," tiin a sawi.

Season hmasa khan Messi, Neymar leh Suarez te inkawp hian goal 122 khungin Barca chu treble champion an nihpui a ni.