India-in badminton-ah squad a nei ṭha
August 10 aṭang khian Jakarta, Indonesia-ah 22nd World Badminton Championship a awm dawn a, heta India aiawh turte chu puanchhuah tawh niin a vawi khat nan top 5 player pahnih an tel thei dawn.
India hian hmeichhe world number 2 Saina Nehwal leh mipa world number 3 Kidambi Srikanth an neih bawk avangin hnehna chang turin beiseina an nei sang hle. Player ṭha pahnih an inlan theih dawn bakah hian seeded 10-na ni phak Indonesian Masters Grand Prix Gold champion Prannoy Kumar chu a kephah hliam dam tawhin he inelnaah hian atel ve thei dawn a ni.
Olympic bronze medallist kum 25-a upa Saina hi first round-ah a bye-a Cheung Ngan Yi leh Kati Tolmoff te inkhela a chak zawk a hmachhawn dawn a ni.
Tun season-a Swiss Open leh India Super Series champion kawp thei India mipa chhuanvawr Srikanth chuan first round-ah Australia star Michael Fariman a hmachhawn ang.