Chester-a'n West Brom a pan

Premier League club West Brom chuan nimin khan Hull City aṭangin defender James Chester chu kum li chhung cham turin an la lut. An inremna zat hi puang chiah lo mah se pound maktaduai 8 vel nia rin a ni.

Manchester United aṭanga inzir chhuak defen­der hian kum 2011 January thla khan Hull hi a zawm a; match 171 khel hmanin season hmasa khan Hull chu Premier League-ah a inhamtan pui zo lo.

West Brom coach Tony Pulis chuan a player thar kum 26-a upa chu an mamawh ang taka ṭha a nih thu leh tlarhnungah chuan khawi hmunah pawh a khelh theih avangin an ṭangkaipui dawn hlea a hriat thu a sawi.