Muller a chhuak lo ang - Rummenigge

Bayern Munich chief executive Karl-Heinz Rum­menigge chuan a player duhlai Thomas Muller chuan an club a chhuah­san ngai loh tur thu a sawi.

German international hian kum 10 mi lek a nih lai aṭangin Bayern hi a zawm a, senior team-a a khelh hnuah Bundesliga nomawi vawi li bakah DFB-Pokal leh Champions League te a chawi tawh.

Spanish manager Pep Guardiola enkawlna hnuaia hmun nghet chang mumal lo Bastain Sch­weinsteiger chuan Premier League club Man­chester United a lo zawm tawh avangin Bayern-a nakkum thleng chauh contract nei tawh Muller pawh hi United nen hian sawi zawm mek a ni.

Kum 25-a upa mid­fielder chungchang sawiin Rummenigge chuan, "Muller hian min chhuahsan ka ring lo. Ani hi chuan Allianz Arena-ah ngei hian a football hun hman zawh a duh ngei ang. Tunah hian contract thar a ziak duh a nih chuan harsatna a awm lo ang," tiin an player duhlai chu a chhuah a hlau hle.