Aston Villa defender thar Crespo

Premier League club Aston Villa chuan Cor­doba defender Jose Angel Crespo chu tun nipui trans­fer-a an player thar pasarihna ni turin an la lut. Crespo hian Villa Park-ah hian kum thum cham turin contract a ziak.

Kum 28-a upa Spanish defender hian season hmasa khan Cordoba tan match 29 a khel a; La Liga aṭangin division hniam lamah an tla thla a ni.

Villa manager Tim Sherwood chuan, "Player tawn­hriat ngah tak, Europe-a league hautak ber pawl pahnih La Liga leh Serie A-ah te lo khel tawh a ni a, kan ṭangkaipui ngei ang," tiin a player thar chungchang a sawi.