India U16 hmeichhe basketball manager Fela
Mizoram Basketball Association (MBBA) general secretary Lalrinfela chu 4th FIBA Asia Under-16 Championship for Women-ah India manager atan ruat a ni. India team hian Jaypee Sports Complex, Greater Noida-ah training an nei a, zanin hian inelna tur hmun Indonesia panin India ram an chhuahsan ang.
Kum 16 hnuai lam tana inelna hi August 2 a ṭan tur a ni. India hi level 1-ah China, Japan, Korea, Chinese Taipei leh Thailand te nen an awm ho a, August 2 khian India hian an match hmasa berah Korea an hmachhawn ang.
Championship hi August 9-ah a zo dawn a, inelna thlengtu sawmna angin August 10 khian India team hian Indonesia U20 nen exihibition match an khel leh dawn a ni.
MBBA-in hlawhtling takin Mizoram Super League a buatsaih a, Republic Veng pachal Lalrinfela hi Mizo zinga India basketball team hruai tura thlan hmasak ber a ni.