Spurs-ah Rose a vul zel dawn

Tottenham Hotspur defender Danny Rose chuan White Hart Lane-ah kum 2021 thleng cham turin contract a ziak. Kum 26-a upa left back hian July 2007 khan Leeds United aṭangin Spurs hi a zawm a, match 126 khelh sak tawhin goal kua a khung tawh bawk.

England tana vawi riat inlan tawh defender chuan,"Mi zawng zawngin Spurs hmasawn zia chu an hre vek a, kum upa tak ka nih thlenga he club tana ka khel thei tur hi ka hlim takzet a ni," tiin London club tana a khelh chhunzawm zel thei tur chu a lawm thu a sawi.

Zanin dar 7:30-ah Tottenham Hotspurs hian Premier League kaithar Middlesbrough chu khual-mualah an lenchilh dawn a, Gillingham laka 5-0 a chak hlim club hian Stoke City pawh 4-0 a an sawp tawh avangin Boro lakah insum an tum lo ang.