AIFF hruaitute nena inhmu tur Infantino

Goa-a neih tur Asian Football Confederation (AFC) khawmpui chhim turin FIFA president Gianni Infantino chu karleh Thawhlehni khian India-ah a lokal dawn a, UEFA secretary general hlui hian India ramin football-a hma a sawn zel theih dan tur chungchangah a hranpain Indian football-a hotu langsar zualte titipuina a nei dawn niin sawi a ni.

FIFA president hian tun hnaia All India Football Fede-ration (AIFF) in ram chhunga football-in hma a sawn theih nana league thar kalphung an duan te chu a enpui dawn a, he hunah hian Indian FA lam
aṭangin president Praful Patel, general secretary Kushal Das, I League CEO Sunando Dhar leh Head of Competitions Anil Kamat te chu titi ho naah hian an tel ang a, ISL lam neitu Foot-ball Sports Development Limited (FSDL) aiawhin Reliance Sports In-dustries chief executive officer Sun-dar Raman chu tel tura beisei a ni.

Infantino hi AFC president Sheikh Salman Bin Ibrahim Al-Khalifa, general secretary Dato Windsor John leh FIFA hnuaia Central and South Asia regional development officer Dr. Shaji Prabhakaran ten an
ṭawiawm thung ang.