Coach ban hnuah Valencia chak

Valencia chuan an coach Pako Ayestaran an ban hnua an match hmasa berah hnehna an chang nghal a, an player hlui Salvador Gonzalez Marco enkawl lailawkna hnuaia khel club hian Alaves chu 2-1 in an hneh.

Alaves defender Victor Laguardia chuan an lamah ti lutin Valencia-in hma an hruai a, mah se La Liga kaithar club tan Gaizka Toquero chuan an si phurh sutna goal hi a khung. Valencia an vannei a, minute 88-naa an penalty hlawhchhuah chu Dani Parejo chuan an chakna ni turin goal-ah a chantir a ni.

Liverpool assistant manager hlui Ayestaran hian March thlaa Gary Neville ban a nih hnuah Valencia hi a enkawl ṭan a, match 12 kaihruai hmanin vawi riat tlawm hmel a hmuhpui.