Subroto Cup Mizoram Vs Chandigarh

Subroto Cup Football Tournament U14 inelna neih mekah Mizoramin group match hnuhnung berah Navodaya 5-0 in an sawp a, vawiin tlai dar 2:00 hian Chandigarh nen Dr. Ambedkar Stadium, New Delhi-ah quarterfinal an khel ang.

Nimin tlai inkhel-ah Mizoram tan Lalnun-sanga'n hattrick siamin Abraham Biakthangliana leh Zothanmawia ten goal khat ve ve an khung. Govt. Kolasib Middle School hminga kal Mizoram team hian Uttar Pradesh (4-0) leh Meghalaya (2-1) te hneh tawhin group hma-hruaitu an ni chiang hle.

Subroto Cup U14-ah hian team 36 telin group pariatah ṭhendarh an ni a, group khat aṭangin team pakhat zelin knockout stage an lut. Mizoram coach Lalthawmmawia chuan, "Ni zawnin khel mah ila ka nauten an khelh dan tur an hrechiang a, kan zir dan anga an khelhchhuah theih avangin kan game pawh a ṭha hle. Amaherawhchu football-ah chuan vanneih leh vanduai inkar a hla a, kan khelh hmabak atan Mizo mipui ṭawngṭaina kan ngen tak meuh meuh a ni," tiin Vanglaini palai a hrilh.