Muguruza-i'n phuba a la

French Open champion Garbine Muguruza chuan US Open-a a hneh loh Anastasija Sevastova lakah phuba a la. Ninga-ni khan Muguruza hian Latvian star lakah hian 6-3, 6-3 a hnehna changin Pan Pacific Open quarterfinal a lut.

Inkhel dangah Elina Svitolina chuan seeded pariatna Anastasia Pavlyu-chenkova chu 7-6(5), 6-4 in a lo hneh bawk. Seeded pakhatna Muguruza leh Pavlyuchenkova te hi semifinal hmunruak inchuhin an inhamchhawn zui leh ang.

Kum 22-a upa Mugu-ruza chuan, "Japan-a ka inlan hmaa ka match hnuhnung berah khan ani nen hian kan inhmachhawn a, tunah US Open hnua ka inkhelh lehna hmasa berah ani nen bawk kan inhmachhawn leh, a mak angreng hle. Infiamna a ni a, phuba anga sawi chu rem lo mah se ka hneh let theih avangin ka lawm," tiin a sawi.

Last 16 match danga seeded pawh chang phak lo Aliaksandra Sasnovich chuan US Open finalist, he tournament-a seeded parukna ni bawk Karolina Pliskova chu 6-4, 6-2 in a hneh ve bawk.