China-ah Simona Halep a vannei

WTA number 5 Simona Halep chuan Dongfeng Motor Wuhan Open-ah Irina Camelia Begu hnehin second round a paltlang.

China-a inkhelah Ro-manian nula hian set khatna chu awlsam takin 6-2 in a la nghal a, set hnihna an khelhah pawh 2-0 in hma a hruai leh nghal - hetih lai hian a khingpui Begu chu hnungzâng na vangin a inhnukdawk.

Seeded palina Halep chuan, "Begu khan hliam a tawrh avangin a tawrh pui hle, kei pawh a chang chuan hliam vangin lungngai taka court ka chuahsan chang a awm, a hun tawn ang kha ka hriatthiampui," tiin a sawi.

Inkhel dangah seeded palina Karolina Pliskova chuan 6-3, 7-5 in Lucie Safarova a hneh a; 2014 champion Petra Kvitova, seeded pasarihna Carla Suarez Navarro leh Dominika Cibulkova te pawhin an khingpui ṭheuh hnehin second round an paltlang ve bawk.