Constantine beitu Michael Chopra

Tun hnaiah Indian thisen kai striker Michael Chopra-a'n India tana khelh a duh thu sawi mah se coach Stephen Constantine chuan England-a piang leh seilian Chopra hian a vanglai a pelh tawh avangin India tana khel tura koh tumna a neih loh thu a sawi a, hei hi hrethiam loin Newcastle United striker hlui chuan, 'Constantine hi rei lo teah India coach aṭangin an ban dawn a, ka beiseina a la bo lo," tiin a sawi!

Sunderland tan pawha Premier League season hnih chhung lo khel tawh striker hian India tana a khelh theihna tur a nih chuan British khua leh tui nihna a neih pawh hloh a pawi tih loh thu a sawi a, mah se Constantine chuan, "Chopra hi India tan ka ko lo ang. India khua leh tui nihna nei turin kum hnih vel nghah a ngai a, tunah kum 32 a ni tawh. He striker hian a vanglai a pel tawh," a ti.

England tana age level hrang hranga lo in-lan tawh striker chuan English ma-nager hi chhanglet nghalin, "Constantine hian a duh chu sawi rawh se. Player a nih laia eng chen mah thleng lo coach ngaihdan avangin ka duhdan thlak ka tum lo. India team hi ṭha takin a kaihruai tih ka hria a, mah se a dang ka hriat leh chu an ban tur thu hi a ni," tiin a tham lo hle.

Chopra hian season hman zawh takah khan Scottish Championship club Alloa Athletic tan khelin tun sea-son Indian Super League-ah Kerala Blasters tan a inlan dawn a ni.