Watford lakah Burnley chungnung

Burnley chuan an player manto ber Jeff Hendrick goal khung hmangin Watford 2-0 in an hneh. Sean Dyche-a naute hian Watford point hmuh zat point sarih hmuin Premier League table-ah 13-na an ni mek.

Tun season-ah Burnley hian goal khung an harsat a, an match hmasa pangaah goal thum chiah khungin goal khung tlem ber an ni. Watford lakah erawh Hendrick chuan minute 38-naah midfielder Steven Defour-a ball cross chu tauh lutin minute 50-naah Michael Keane chuan an goal hnihna a khung bawk.

Watford hian an tlarhnung pui lo an tuar zel a, an league match hnuhnung 17-ah vawi khat chiah goal chhuah loh an nei. Hetihlai hian Burnley goal hnihna khungtu hian league match 28 a khelh aṭanga a goal hmasa ber a khung theih avangin hnehna an chan theih nan a vannei ve bawk.

Burnley manager Dyche chuan, "Hendrick hian Premier League-ah zir tur a la ngah a, chuti chung chuan player ṭha leh rintlak a ni tawh," tiin an goal hmahruai khungtu chungchang a sawi.

Watford boss Walter Mazzarri chuan, "Ka naute kha Manchester United kan hneh ṭuma an khelh anga khel chhuak tur khan ka fuih. Mahse, English football-ah chuan thil hi a harsa hle a, anni pawh hian Liverpool an hneh tawh avangin team ṭha an ni," tiin a sawi.