Wolfsburg-in min dang - Draxler

Julian Draxler chuan tun nipui transfer laia club dang a zawm loh chhan chu a khelh mekna Wolfsburg-in an dan tlat vang a nih thu a sawi chhuak.

German international hi Arsenal leh Paris Saint-Germain te chuan lakluh an duh ve ve nia sawi a ni a, midfielder hian chhuah a hreh lo tih a hriat theih bawk.

Kum 23-a upa Draxler chuan, "Club thar zawm thei ka nih loh chhan chu Wolfsburg-in min dan tlat vang a ni. Nipui lai khan thuthang a tam em em a, club dang zawm ka tum tih kha thudik a ni. January-ah pawh hetiang bawk hi a ni leh mai thei a, mahse hma hun atan ngaihtuahna ka la hmang rih lo thung," tiin a sawi.

Draxler hian kum 2015 August thla khan FC Schalke aṭangin Wolfsburg hi a zawm a, kum 2020 June thla thleng contract nei mah se tun season bak chu a club ngaiah hian a awm zuiin a rinawm loh.