October-ah Aizawlah Sunfeast Cup Under 13 & Under 16 Football

Mizoram Football Association leh SPT Sports ṭang tawp chuan, Octobaer 4 aṭang hian Aizawlah kum 13 hnuai leh leh kum 16 hnuai lam football inelna, Sunfeast Cup 2016 a buatsaih dawn a, lawmman tha tak tak siam a ni. He inelna hi India hmar chhak state dangah pawh kalpui a ni.

Under 13-ah hian July 1, 2003 hnu lama piang chin an tel thei ang a, under 16-ah hian July 1, 2000 hnu lama piang chin an tel thei ang. Original birth certificate nei lo tan tel theih a ni dawn lo a, an birth certificate hi an pian kum aṭanga kum thum chhunga pek chhuah ngei a ni tur a ni. Kum dik lo man chhuah chu MFA hnuaia eng inelnaah mah an tel thei lo ang a, team pumpui disqualify theih a ni bawk ang.

Team tel turte hi MFA leh DFA hnuaia affiliated club-in an hriatpui team hmingin (an senior team hmingin) an khel thei a, a nih loh chuan village council/local council hriatpuina nei veng leh khaw behchhan hming pu team an ni tur a ni.

Entry fee Rs 200/- MFA Office, City Park-ah September 28 aṭangin pek theih a ni a, registration form pek chhuah nghal an ni ang. Under 13 leh Under 16-ah hian team 32 ve ve chiah tel theih a ni a, a kal hmasa apiang hnenah pek chhuah a ni ang.