Claude Puel-a Southampton an vul zel

Claude Puel-a kaih-hruai Southampton an par vul zel. Pathianni zan khan Saints hian London Stadium-ah mualneitu West Ham chu 3-0 in an sawp.

Southampton tan hian Charlie Austin, Dusan Tadic leh James Ward-Prowse ten goal khat
ṭheuh an khung a, inelna hrang hrangah Puel-a kaihhruaina hnuaiah hian a zawnin match liah hnehna an chang vek a, hengah te hian goal an chhuah miah lo bawk.

Hetih mek lai hian Sla-ven Bilic-a naute erawh-in hun thim an tawng mek, Hammers hian tun season-ah league match ruk khelh tawh aṭangin vawi nga an chak lo a - goal 19 zet chhuah tawhin Premier League-a goal chhuah hnem ber an ni mek.

West Ham manager Bilic chuan, "Kan thawk-rim a, kan zir ngawrh bawk. Inrintawkna kan hloh tawh kha kan nei let thei a nih chuan result ṭha chu a lo kal mai ang," tiin a sawi.

Southampton boss Puel chuan, "Hun chan-ve hma lamah khan in-bei tawk viau mah ila chawlhlawk laia thusawi an ngaihthlak ṭhat avangin second half-ah kan khelṭha hle. Ka naute khelh danah ka lawm a, boruak nuam leh ṭha kan neih chhun-zawm zel ka beisei," a ti.