Serena chawl rih dawn

World number 2 Serena Williams chu a dar na a la dam fel theih loh avangin tunkar chhunga khelh tur Wuhan Open leh October thla a khelh tur China Open-ah a inlan thei dawn lo.

Kum 34-a upa Serena hi Wim-bledon-a a champion hnuah a dar na vang hian a buai chho deuh reng a, Grand Slam-ah vawi 22 zet champion tawh mahs e kumina neih Rio Olympic leh US Open-ah a hlawhtling lo a ni.

American star hian WTA num-ber 1 ni rei ther ber Steffi Graf-i record a zawna chawlhkar 186 chhung a chung bera awm thei chu a nih rual hman a, mah se US Open-a Karolina Pliskova a hneh loh avangin record thar erawh a siam thei ta bik lo.

Wuhan leh Beijing-a a inlan dawn loh tak avang hian world number 1 Angelique Kerber tan ranking-a pakhatna ni chunga season khar thei turin a dinhmun a ṭhat phah ta hle. Serena hi October 23 aṭanga khelh ṭan tur WTA Finals-ah chuan inlan thei tawh tura beisei a ni thung.