NE boxing hruaitu atan Rozama

27th September, 2016

Mizoram Boxing Association (MIZ-BA) general secretary Dr Lalrozama chu Boxing Federation of India (BFI) hnuaia NorthEast Zonal secretary atan September 25, 2016 khan chuhtu awm loa thlan a ni.

Kum nga chhung zet India rama boxing thuneitute buaina avangin Indian boxer-te'n harsatna nasa tak an tawk a. Chu harsatna su kiang tur chuan BFI chu April 14, 2016 khan Kolkata-ah din a lo ni tawh a. Hemi hmalakna kal zelah Pathianni khan Mumbai-ah BFI election hi neih a ni.

BFI president-ah Ajay Singh niin secretary-ah Jay Kohli thlan an ni a, treasurer-ah Hemanta Kalita (Assam) thlan a ni bawk. India ram hi zone riatah ṭhen niin NorthEast bik zonal secretary-ah MIZBA hruaitu Rozama hi thlan a ni a, vice president atan Khoibi Salam (Manipur) thlan a ni bawk.