Totti-a'n goal 250 khung tling ta

Francesco Totti chuan Italian Seria A-ah goal 250 a khung tling ta. AS Roma legend hian Pathianni zan khan Torino lakah goal khungin 3-1 in a chak lo lamah ṭang mah se a ropuina sawi bo theih a ni lo.

Torino-in hnehna an chan theih nan Manchester City aṭanga an hawh keeper Joe Hart-a a khel
ṭha a, Roma aṭanga loan-a an hawh Iago Falque-a'n amah neitute lamah goal hnih a khung!

Vawiin a kum 40 tling ta Totti hian 1993 March thla khan kum 16 chauha upa ni chungin Brescia a hmachhawn a, a club bulṭanaah hian kum 23 chuang zet hun a hmang tawh.

Kum 1954 daih tawh a inkhelh chawlhsan tawhtu, a vanglaia Lazio leh Juventus tana lo khel tawh ṭhin legendary striker Silvio Piola chuan Serie A-ah goal 274 a khung tawh a, ani tih lohah chuan Totti hi goal 250 khung tling leh thei awmchhun a ni.

Inkhel dang

Pathianni zan Serie A inkhel dangah Inter Milan chu an mikhual Bologna nen 1-1 in an inhnehtawk. Frank de Boer-a naute hian league-ah a zawnin Juventus leh Empoli an hneh theih avangin hnehna chang zui leh tura ngaih an ni. San Siro-ah beisei angin thil a kal lo, mikhual tan Mattia Destro goal khung chu Ivan Perisic-a volley luh hmangin Inter-in an sut.

Inkhel dangah AC Milan leh Fiorentina te chu goal awm loin an inhnehtawk. Milan coach Vin-cenzo Montell-a'n a club hlui a hmachhawn ṭum hian ball pos-sesion 38% chuah an chang a, tun season-a ball an chen tlem ber ṭum la niin an khingpuite nen an inhneh-tawk vawi khatna a ni bawk.