Hamburg-in coach an ban

Bundesliga club hlun Hamburg chuan season bul an ṭan ṭhat loh avangin coach Bruno Labbadia chu a hna aṭangin an ban.

Kum 1963 hnua lama season tin Bundesliga la khel ziah thei awmchhun Hamburg hi Inrinni zan khan champion lai Bayern Munich lakah 1-0 in an chak lo. Tun season league match nga an khelh tawh aṭanga vawi li an chak lohna niin point khat chiah an la hlawh chhuak.

Kum 50-a upa Labba-dia hian 2009–2010 chhung khan Hamburg hi a lo enkawl tawh a, Premier League club Fulham nen Europa League semifinal an khel dawnah ban a ni. Nikum April thla khan Labbadia hi rawih nawn niin tunah a vawi hnih nan an ban.

Hamburg sporting direc-tor Dietmar Beiers-dorfer chuan, "Kan season bul ṭan fuh lo siamṭhat nan hian coaching lamah bul kan ṭan ṭhat a ṭul," tiin a sawi.