Chong Wei a thiam ber

Badminton mipa world number 1 Lee Chong Wei chuan Pathian-ni a khelh zawh tak Yonex Open Japan-ah Jan O Jorgensen hnehin a vawi ruk nan a champion. Hmeichhe lamah Chinese shuttler He Bingjiao chuana rampui Sun Yu chu 21-14, 7-21, 21-18 a hnehin a dingchang ve bawk.

Tokyo Metropolitan Gymnasium-a inkhelah Malaysian tlangval hi a khel ṭha thei hle a, final lut tur hian game khat mah a hloh lo. Denmark tlangval lakah erawh game khat hloh ve mah se 21-18, 15-21, 21-16 in hnehna a chang ta tho.

Kum 33-a upa Chong Wei hi tun hnai Olympic pahnihah silver medalist a ni a, badminton dan thar an hmang a nih chuan Tokyo 2020 Olympic-ah inlan theih a la beisei thu a lo sawi tawh - tuna a khelh dan en chuan hun rei zawk la inkhel thei tur hmel a pu.

Mipa doubles-ah Chi-nese pair Li Junhui leh Liu Yuchen te chuan Kim Gi Jung leh Ko Sung Hyun te lakah 21-12, 21-12 a hnehna changin, hmeichhe doubles final-ah Danish pair Christinna Pedersen leh Kamilla Rytter Juhl te chuan 9-21, 21-18, 21-12 in Rio Oylmpic silver medalist Misaki Mat-sumoto leh Ayaka Taka-hashi te an hneh bawk.