Wawrinka hnehin Zverev a champion

Pathianni zan khan German rawlthar beiseiawm Alexander Zverev chuan US Open champion Stan Wawrinka hnehin St. Petersburg Open champion nomawi a chawi. Kum 19-a upa Zverev hian tennis a khelh china a ATP tilte hmasa ber la tur hian Grand Slam vawi thum champion tawh Wawrinka hi 6-2, 3-6, 7-5 in a hneh.

Zverev hian Swiss thiampuipa Wawrinka-a'n match 10 chhug hneh loh nei loa a kaltluang lai chu a ti tawp a, kum 2013 hnua ATP tour final-a Wawrinka hneh thei hmasa ber a ni.

World number 27 Zverev chuan, "Set hnuhnung berah 3-0 a ka hnufual tawh kha chuan ka hlauthawng tih kha zep tur a awm lo. Ka title hmasa ber ka lak tak avang hian ka lawm a, ka hlim takzet a ni," tiin a sawi.