Klopp-a rahchhuah Football hmuhnawm leh Goal 5

Liverpool-in Premier League-ah a zawna vawi thum chak turin player 10-a khel Hull City chu 5-1 in an sawp a, Jurgen Klopp-a naute inkhel rang tak chuan goal nga, point thum leh inkhel hmuhnawm a keng tel vek. Season bul ṭan ṭha Hull erawh David Meyler hmangin goal khung mah se an mualphona hliah khuh theih a ni lo.

Anfield-ah Reds tan Adam Lallana-a'n goal hmahruai a khung a, James Milner-a'n penalty vawi hnih khungin, Sadio Mane leh Philippe Coutinho ten goal khat ve ve an khung bawk.

Liverpool goal ropui khungtu Coutinho bakah Jordan Henderson te an pawimawh a, Reds captain Hendo hian Hull an hneh zan hian ball vawi 132 zet a khawih a, vawi 108 pass dik neiin pass accuracy pawh 97% niin a tihsual a nei lo a ni ber. Reds-in 'five star' game an khelh ṭumin goal nga an khung.

Liverpool manager Jurgen Klopp chuan, "Kan khingpuite pressure kan pek dan kha world class a ni a, Hull kha inrintawkna nei turin hun kan siam lo," tiin an khelh dan chhuang takin a sawi.