Carlo Ancelotti tan Joshua Kimmich

Hun tawp dawna kum 21-a upa Joshua Kimmich goal khung hmangin Inrinni zan khan Bayern Munich chuan khualmualah Hamburg 1-0 in an hneh a, Italian manager Carlo Ancelotti kaihhruaina hnuaiah German champion hian inelna hrang hrangah match riat khel tawhin hnehna an la chang fai vek.

Bundesliga match nga khelh tawh aṭangin Bayern hian point 15 hmuin league table hmahruaitu an ni a, Zirtawpni zana Freiburg 3-1 a sawptu Borussia Dortmund nen khelh zat inangah point hnihin an inthlau mek.

Thomas Tuchel-a enkawl Dortmund hian Bundesliga an match hnuhnung pangaah vawi li hnehna an chang ta a, inelna hrang hrangah an match khelh hnuhnung pali aṭangin goal 20 teh meuh an khung tawh bawk.