Napoli-in Juve um zel

Inrinni zan khan Serie A champion lai Juventus chuan Palermo defender Edoardo Goldaniga own goal hmangin hnehna an chang hram a, inkhel dangah Napoli-in Chievo 2-0 a an hneh ve bawk avangin Serie A club lian pahnihte inthlauhna hi point khat a ni chhunzawm zel.

Napoli tan Marek Hamsik chuan goal 100-na a khung a, kum 29-a upa Hamsik hian 2007 khan Brescia aṭangin Naples club hi a zawm a, a club tan hian inelna hrang hrangah match 400 chuang khel tawhin season hmasa khan Serie A-ah pahnihna a nih pui a, kuminah pawh hian Juventus elpui ber tura ngaih an ni.