Goal 13 khung thei Ajax!

Ajax chuan an mikhualna ramah VVV-Venlo 13-0 in an hneh! Dutch league a insawpna nasa ber a ni a, rawlthar Lassina Traore chuan goal nga a khung bakah a ṭhiante khung tur vawi thum a siamsak bawk.

Inrinni zan Eredivisie inkhelah minute 12 aṭangin goal a lut ṭan a, a khat mawi tawkin a luh chhunzawm char char. VVV lamin goal li an chhuah hnuah defender Christian Kum chu hnawhchhuah a ni a, an chhuah belh hnem hle.

Kum 19 mi Traore-a'n goal nga a khung a, Jurgen Ekkelenkamp leh Klaas-Jan Huntelaar ten goal hnih ve ve an khung bakah - Dusan Tadic, Antony, Daley Blind leh Lisandro Martinez ten goal khat ṭheuh an khung belh bawk. 

League bikah chuan Ajax hian an chak chian ber ṭum an tawng a, an club tan inelna hrang hranga an chak chian ber erawh a ni lo. 1984 khan Europa League-ah Luxembourg club Differdange chu 14-0 tehmeuhin an lo sawp tawh.