Vawiin aṭangin MFA Cup 2025

MFA Cup 2025 chu vawiin aṭangin Chhangphut Field, Champhaiah khelh ṭan a ni dawn. Inelnaah hian MFA hnuaia district 11 ten club an thawh thei vek a, tualchhung football dinhmun tehna ṭha tak a ni thei ang.

Group A-ah Electric Veng FC (Kolasib), Siaha United (Siaha), Kanan FC (Champhai), FC Bazar (Mamit), Chanmari FC (Lunglei) leh Thangzuala Memo FC (Serchhip) te an awm a, group B-ah Saitual Venglai (Saitual), Kanan FC (Aizawl), MLS FC (Lawngtlai), Model FC (Hnahthial) leh Vengthar GSA (Khawzawl) te an awm thung.

Group tina club-te hi vawi khat ṭheuh an inkhelh kual hnuah a sang pahnih ve vein semifinal an khel dawn. Final khel tur zawnna hi March 15, Inrinniah neih a ni dawn a, semifinal hnuhnung zawk leh final hi floodlight hnuaiah khelh a ni ang.

MFA Cup hnuhnung berah inelna thlengtu Lawngtlai club MLS FC-in final-ah FC Bethlehem hnehin a champion. Coach Vanlalpeka enkawl MLS hi season thara Mizoram Premier League khel tur an ni a, tun ṭuma Aizawl DFA aiawh Kanan FC pawhin season tharah MPL an khel dawn.