Rinkai Man City

Football tournament upa berah team pariat chiah an dam tawh, nizan khan Nottingham leh Ipswich Town an inkhel a, chanchinbu i chhiar lai chuan team pariat an ni tawh ang, nizan inkhela chak zawkin Brighton an tum dawn a ni.

Team la dam zingah Manchester City chu player nei ṭha leh buk rit ber an ni a, chutihrualin knockout a nih miau avangin sawi lawk a harsa, a bik takin Premier League team chin hi chu minute 90 chhung inveng thiam tak an ni hlawm.

Pep Guardiola leh a naute hian kum 2023 khan FA Cup title hi an la, kumina la dam zingah City hnaih deuh chu Ipswich Town niin, anni hian kum 1978 daih tawh khan nomawi an chawi a, an inkar a zau vang vang hle.

Fulham, Palace, Bournemouth leh Brighton te hi la champion ngai lo an ni a, an tan chuan a vawi khat nana champion a châkawm khawp ang.