Vienna lamah Djokovic leh Thiem

Tun kar chhung hian Vienna Open khelh a ni dawn a, world number 1 Novak Djokovic bakah nomawi kawl mektu Dominic Thiem an inlan dawn avangin inelna hian ngaihven a hlawh dawn.

ATP 500 tournament-ah hian ranking sang zual 30 zinga 18 an inlan dawn avangin ngaihhlut a hlawh tih chiang a, world number 2 Rafael Nadal erawh French Open nomawi a chawi hnuah a la inkhel leh rih dawn lo.

Serbian tlangval Djokovic-a'n Vienna Open a khelh hnuhnung ber chu 2007 daih tawh kha a ni, hemi ṭum hian Stan Wawrinka hnehin nomawi a chawi - season 13 a liam hnuah a inlan ve leh dawn chiah tihna a ni.

Season hmasa khan Thiem-a'n Diego Schwartzman hnehin nomawi a chawi, Austrian star hi kuminah pawh rinkai a ni leh dawn. Ani bakah hian Denis Shapovalov leh Stefanos Tsitsipas te chu champion tura rinkai an ni bawk ang.