Gotze hian Bayern-a cham a duhin ka hria - Rummenigge

Bayern Munich CEO Karl-Heinz Rum­menigge chuan Italian club Juven­tus aṭangin official-a Mario Gotze dilna an la hmuh loh thu a sawi a, German play­maker hian club chhuahsan duhna rilru a put loh thu a sawi tel bawk.

Rummenigge chuan, "Juventus hian Gotze hi an biak leh biak loh ka hre lo a, kei chuan Bayern-ah cham zel se ka duh a ni. A agent chu ni ilang chuan Bayern-a theihtawp chhuah zel turin ka hrilh ang," tiin a sawi.

Kum 59-a upa Bayern hotu chuan sawi zelin, "Amah emaw agent emaw min hmu turin an rawn la kal lo a, Juventus hruaitu lam pawh an lang chuang lo. Gotze hian kan bula awm zel hi a duh ka ring," tiin Juventus nena sawi zawm Gotze chungchang a sawi chhuak.