Berahino tan Spurs zawm ala hun lo - Irvine

West Brom manager Alan Irvine chuan a striker hlui Saido Berahino atan club lian zawm ala hun loa a hriat thu a sawi.

England Under-21 international hian season hmasa khan Premier League-ah Baggies tan goal 14 khungin tunah hian Tottenham nen sawi zawm mek a ni.

Kum 21-a upa Berahino hian manager Irvine enkawlna hnuaiah match 22 khel tawhin goal riat a khung tawh.

Kum 57-a upa manager Irvine chuan, "Berahino hian theihna leh thiamna sang tak a nei a, field chhuga a chel vel hi a dik hle. Amaherawhchu atan club lian zawm ala hun lo. Hmasawnna tur ala neih vangin a inkhelh tam theihna hmuna a awm a ṭul rih," tiin a sawi.

Champions League khelh tum Spurs hian English striker Harry Kane an nei a, ani hian season hmasa khan Premier League-ah goal 21 khungin goal 26 khungtu Sergio Aguero chiah tlukloh a nei. Hetiang a nih avang hian Irvine hian Berahino-a'n Spurs-ah hmun a chan tam a ring lo a ni.