Lawn Tennis Association director Brett a bang
Bob Brett chuan Lawn Tennis Association (LTA) director hna a bansan a, tunkar chhung hian a hna hi a chhuhsan ang. Director thar an neih hma chu LTA chief executive Michael Downey-a'n a hna hi a lo chhunzawm sak rih ang.
Australian tennis coach Brett hi British tennis player leh coach-te hmasawn theihna tura hmalatu atan nikum June thla khan LTA chuan an lalut a ni.
A chawlh tur thu sawiin Brett chuan, "LTA chungah ka lawm em em a, player leh coach talent nei ṭha tak tak kianga hna ka thawk thei kha ka inchhuang hle. Tunah chuan midang kuatah ka hna hi ka hlan chhawn a hun ta a, an kal lehzelna turah duhsakna ka hlan e," a ti.
Thuchhuah siamin LTA chuan, "Bob hian kan hnenah hun rei lote a hman chhungin danglamna nasa tak a rawn thlen a, kawng tam takah hmasawnna min rawn thlen a ni. A hnathawhte avangin a chungah kan lawm a, a kal leh zelna turah duhsakna kan hlan e," an ti.
Kum 62-a upa Brett hian kum 35 chhung tehmeuh mai coaching hna thawk tawhin Grand Slam champions Goran Ivanisevic leh Marin Cilic te pawh a lo enkawl tawh ṭhin.