Atletico-in Betis an ngam

La Liga match hnih zet a zawna an khingpui an inhnehtawkpui hnuin Atletico Madrid-in a zawna a vawi hnih nan hnehna an chang ve leh ta a, Celta Vigo 2-0 a an hneh hnuah 2-0 vekin Real Betis an hneh. 

Atletico boss Diego Simeone-a'n tlarhmaah midfielder Marcos Llorente leh Luis Suarez-a inkawp tir a, Argentine coach-in thutlukna a siamsual lo. 

Kum 25 mi Llorente hian minute 46-naah goal hmahruai a khung a, Suarez-a'n hun pek belhah chak nemnghehna a khung bawk. 

Atletico chak chhanah coach Simeone chu fak phu a ni a, second half-a Lucas Torreira leh Thomas Lemar la chhuaka Yannick Carrasco leh Hector Herrera a luhtir chu game thlak danglamtu a ni. 

Betis hian minute 74 hnuah player 10-in an khel bawk a, Carrasco-a tih tluk avangin Betis right back Martin Montoya chu hnawhchhuah a ni - referee-in yellow card pe zet mah se VAR a rawn hnuah thutlukna a thlak. 

Manchester City boss hlui Manuel Pellegrini enkawlna hnuaiah Betis hi match hnih chu a zawnin an tlawm ta a, league match sarih an khelh tawhah vawi thum chakin vawi li an tlawm. 

Atletico Madrid erawh league match ngaah tlawm an la nei lo a, vawi thum an chak laiin vawi hnih an khingpui an inhnehtawkpui a ni.