Watford player 10-na Berghuis

Season thara Premier League khel tur Watford-in player thar an lak belh zel a; AZ Alkmaar aṭangin Dutch forward Steven Berghuis chu kum li chhung cham tura la lutin tun nipui transfer chhungin player 10 an la lut tawh.

Striker bakah winger atana chhawr theih kum 23-a upa Berghuis man hi pound maktaduai 4.6 bawr vel nia hriat a ni a, season hmasa khan League match 22 a khelh aṭangin goal 11 a khung a ni. Thla hmasa khan Euro 2016 qualifier a Netherlands leh Latvia inkhelh ṭumin Dutch squad-ah telh a lo ni ve tawh bawk.

Hornets hian tun nipui transfer chhungin Jose Manuel Jurado, Miguel Britos, Sebastian Prodl, Giedrius Arlauskis, Matej Vydra, Jose Holebas, Etienne Capoue, Valon Behrami leh Allan Nyom te chu Vicarage Road-ah an lo lawmlut tawh a ni.