Djokovic-a'n Nadal Record a nih rual

29th July, 2015

Thawhṭanni khan Association of Tennis Professionals (ATP) world tour ranking thar tih chhuah a ni a, mipa world number 1 nilai Novak Djokovic chuan point 13,845 hmuin pakhatna a nih chhunzawm zel.

Serbian star Jokovic hian kuminah Grand Slam pahnih Australian Open leh Wimbledon chawi tawhin a zawnin chawlkar 56 chhung world number 1 a ni tawh. Hei hi Spanish star Nadal a record nen a intluk chiah a ni. John McEnroe record tluk turin Djokovic hian kar hnih chiah a mamawh tawh.

Mipa ranking hi a sang 10 chin chu danglam a la awm lo a, pahnihnaah Grand Slam vawi 17 champion tawh Roger Federer awmin pathumnaah Britain number 1 Andy Murray a awm bawk.