Scott Parker hmalam hun a chiang lo

Inrinni zan khan Fulham-in an mual Craven Cottage-ah Crystal Palace an mikhual a, 2-1 in an chak lo. Inkhelh banah Fulham manager Scott Parker-a'n a hmalam hun a chian loh thu a sawi.

Palace tan hian Jairo Riedewald leh Wilfried Zaha ten goal an khung a, Fulham-in injury time minute nganaah Tom Cairney hmangin goal khat an khung ve hram. Minute 88-naah Fulham player Aboubakar Kamara chu hnawhchhuah a ni bawk.

Kum 40 mi Scott Parker chuan, "Ka hmalam hun chu ka thuneihna piah lam a ni. Ka tih theih chu club ṭhatna tura theihtawp chhuah a ni a, ka hmalam hun chu club thuneitute kutah a awm," tiin ban theih dinhmuna a din thu a sawi.