A vawi thum nana champion tum Alcaraz

Tennis inelna ngaihhlut hlawh zinga mi Indian Wells khelh chhoh mek a ni a, seeded pahnihna Carlos Alcaraz chuan a zawn a vawi thum nan champion a tum tih a sawi, a champion a nih chuan ṭum thum champion zawn thei mi pathumna a ni ang.

Spanish star Alcaraz chuan, "Rilru ti hrehawm leh hahthlak khawp chuan ka ngaihtuah duh lo, mahse nuamti taka inkhel chungin champion leh ka tum dawn a ni," tiin a sawi a, ATP Masters 1000 tournament a ngai pawimawh hle.

Tun hmain Novak Djokovic (2014, 2015, 2016) leh Roger Federer (2004, 2005, 2006) te chuan a zawnin Indian Wells title hi vawi thum an la tawh, tunah Alcaraz-a'n hun remchang a nei ve leh mek.

Grand Slam vawi li champion tawh Alcaraz chuan sawi zawmin, "Indian Wells khel tura ka zinchhuah apiang mai hian nuam ka ti thei em em a, kuminah pawh chumi boruak chu a la danglam chuang lo," tiin a sawi.

Alcaraz hian Inrinniah a match hmasa ber a khel dawn a, a khingpui tur chu qualifying aṭanga invaw kai a nih dawn a hming a hming a la hriat loh, a chak tluang zel a nih chuan quarterfinal-ah Djokovic nen an inhmachhawn thei ang.