Irving tan season a tawp

Dallas Mavericks thiampuipa Kyrie Irving chu a khup hliam vangin rei tak chhung a chawlh a ngai dawn a, NBA All-Star zinga vawi kua ngawt tel tawh hi tun season chhungin a inlan hman dawn tawh lo.

Irving hi Sacramento Kings nen Texas-a an inkhelh ṭumin a hliam, a hliam endik a nih hnuah a chawlh chen tur hi a chiang ta a ni. Tun season match 62 an khelh tawh aṭanga ṭum 50 inlan thei a nih avangin, a hliam hi Dallas tan chuan channa lian tak a ni ngei ang.

Dallas Mavericks chuan thuchhuah siamin, "Kyrie Irving hi kan tan chuan player pawimawh a ni satliah lo, hruaitu ṭha tak a ni tel bawk. Tun hma aia ṭha zawkin a lo kir leh ang tih kan ring a, duhsakna kan hlan bawk," an ti.

Tun season kal laiah Irving hian chawhrualin, match a khelh apiangah point 24.7 leh rebound 4.8 bakah assiat ṭum 4.6 a nei phak. Ani bakah hian Jaden Hardy pawhin a kerekah hliam a tuar bawk.