Point 50000 nei tling thei LeBron James!

LeBron James chuan NBA a khelh tawh chinah mellung pawimawh a phun chho zel a, basketball inelna liana a point neih tawh zawng zawng belhkhawm chu 50,000 a tling ta, hetiang ti thei awmchhun hi a ni hial.

Nimin zing inkhelah James hian Los Angeles Lakers tan point 34 a nei a, regular season bikah point 41,871 neiin, playoff bikah pawh point 8,162 tehmeuh a nei tawh bawk a, hei pawh hi record sang ber a ni bawk.

NBA season 22-na hmeng mektu James chuan, "Khawvela league lian leh ṭha berah ka khel a, khawvela player ṭha bikte nen kan inel, chumi hmua hetiang dinhmun ka thleng thei hi a hluin a lawmawm bik hle a ni," tiin a sawi.

Tun hnai khan James hi Western Conference Player of the Month atan thlan a lo ni tawh bawk. Kum 40 mi ni tawh mah se, season kal laiah hian chawhrualin, match khatah point 29.3, rebound 10.5 leh assist 6.9 a la nei phak.