India coach thar Oltmans
Hockey India chuan India team enkawl turin Roelant Oltmans chu coach ban tak Paul van Ass thlak turin an ruat.
Kum 61-a upa Oltmans hi India hockey hrechiangtu a ni a, kum thum chhung director-ah a ṭang tawh. Olympic 2016 thleng India team hi a enkawl phawt ang a, a chetṭhat dan a zirin a contract pawhsei a ni ang.
Coach thar hi Sports Authority of India director general Injeti Srinivas leh Hockey India president Narinder Batra te inrawn hnua ruat a ni.
Coach ban tak Paul van Ass nena inhmuthiam lo anga an sawi Batra chuan, "Coach chu an lokal a, an chhuak leh mai. Tunah chuan kan hmalam hun atana kan inbuatsaih a ngai a, Olympic hi kan lak thutak a ṭul a ni. Oltmans hian result ṭha a neih theihna turin a mamawh ang kan pe ang," tiin a sawi.